top of page
Search

Caso Arubahuis no ta tolerabel

Parlamentario Hendrik Tevreden (MEP):

 

Fout kan je niet goed praten. Robes ta robes, no por papi’ebon. Tur cos a cuminsa cu un mail cu a drenta den direcciondi gobierno. Un mail cu a trece diferente puntonan y cosnancu tawata cana robes den Arubahuis na Den Haag, Hulanda. Despues di esaki gobierno a pidi un investigacion unda cu Central Accountants Dienst (CAD) a dirigi esaki cual a biraun investigacion ariba tres funcionario den e posicionnan mas halto den Arubahuis. Cualnan ta e gevolmachtigde minister, e director, y e representante di Aruba na Bruselas.

 

Esnan envolvi tin cu para responsabel

E funcionarionan aki a wordo confia cu e trabou na Arubahuisy a actua robes y esaki no ta aceptabel. Cada ken cu ta wordoconfia y ta wordo duna e oportunidad pa tuma un funcion den e aparato publico sea na Aruba o afo, tin di actua serio, responsabel y keda cu pia riba tera. Esnan cu a comete eror, awe mester para responsabel pa nan actonan pasobra esaki ta algo grave pa pais Aruba. Nos punto di bista ta cu esnanenvolvi tin di para responsabel pa nan actonan. Pasobra ta papia di malversacion di placa cu no ta di nan si no placa di Arubahuis y como trahador y representantenan di pais Aruba mester maneha esaki di un forma responsabel y corecto. Tur esnan cu ta di e partido MEP den pasado ya a tuma pasonan di retira hasta den casonan menos grave. Pues awo den e casoaki y mirando e gravedad sigur nan no lo por wordo trata cu handschoen di felpa.  

 

Caso Arubahuis ta na OM

Minister President a pidi y a laga CAD inicia e investigacion. Awor cu e investigacion a caba, e caso aki a wordo presentaden parlamento. E tawata den un encuentro publico unda nadaa wordo scondi y nada a wordo tapa y tur hende por busca pa mira esaki riba parlamento.aw bou di nomber di OB no. 7, Presentatie van het onderzoek bij het Arubahuis door de Minister van Algemene Zaken. CAD a presenta e rapport y a splica cu ta un ‘handreiking persoonsgericht onderzoek’ y despues di presenta esaki tur parlamentario por a hacipregunta y haya contesta. Awor cu gobierno a finalisa cu e proceso di investigacion y medidanan disciplinario, Minister President a traspasa e dossier den man di Ministerio Publicopa mira cu si e iregularidadnan financiero lo tin di bira penal of no. Pues awo e ta na Ministerio Publico pa dicidi con lo termina y sera e caso aki.

 

Cambionan na Arubahuis

Ya caba Minister President a percura pa hopi cambionan naArubahuis. Entre otro a cambia e funcionarionan halto y tin un maneho mas estrecho riba con ta anda cu finansas eynan. Sigur ta e responsabilidad di nan na Arubahuis pa evita cu e cosnan aki ta bolbe ripiti. Directornan, funcionarionan halto ta carga un cierto responsabilidad y pa bini bek riba e investigacion riba e caso aki tin di bisa cu tur tres den e top di Arubahuis a actua robes. E dossier di Arubahuis y e actitud di e funcionarionan ta un falta di respet na e funcion y na nan compromiso cu Aruba y di ningun forma esaki ta aceptabel. Nos ta di opinion cu e pasonan cu Minister President a tuma ta corecto den e caso aki, esta di no a tolera e actitud aki.

49 views0 comments

Recent Posts

See All
bottom of page